Progeen sh.p.k. është një shoqëri private që operon prej vitit 2013 në industrinë e ndërtimit në Shqipëri. Progeen aplikon standardet më të larta të profesionalizmit në veprimtarinë e tij, duke garantuar cilësi dhe besueshmëri absolute tek klientët dhe partnerët. Progeen çmon më së shumti kapitalin njerëzor të profesionistëve, të cilit i beson suksesin e çdo projekti.

Ju ftojmë të sfidoni aftësitë tuaja, pasi ne vlerësojmë mbi të gjitha mendjet dhe ambiciet që  sjellin ndryshimin, jo vetëm zbatimin.

Pozicioni: Teknik Ndërtimi
Vendndodhja: Durrës

 Përmbledhja e Pozicionit: Tekniku i Ndërtimit ndjek nga afër ecurinë e vazhdueshme të punës në objekt gjatë të gjitha fazave si: gërmimi, lidhja e hekurit, betonimi, etj në bashkëpunim me Inxhinierin e kantierit.

Detyrat dhe Përgjegjësitë:

• Ndjek vazhdimisht punimet në të gjitha fazat e ndërtimit; 
• Lexon, kontrollon dhe siguron zbatimin e projektit sipas kërkesave dhe KTZ; 
• Informon inxhinierin e kantierit dhe jep sugjerime për përmirësime; 
• Koordinon punët me inxhinierin, cakton prioritetet ditore dhe ndan detyrat për grupet e punëtorëve; 
• Kontrollon cilësinë dhe sasinë e materialeve, si dhe ruajtjen dhe përdorimin e tyre në kantier; 
• Siguron vijimësinë e punës edhe në mungesë të inxhinierit, sipas kushteve të sigurisë në punë; 
• Propozon nevojat për fuqi punëtore; 
• Mban listën e punonjësve dhe proceset ku janë angazhuar.  

Kualifikimet dhe aftësitë:

• Shkollë e mesme teknike në ndërtim;
• 3-5 vite eksperiencë pune në zbatim projekti;
• Njohje të KTZ dhe leximit të projekteve;
• Aftësi të mira organizimi, kontrolli, raportimi dhe komunikimi.

Mënyra e aplikimit:

Të interesuarit të dërgojnë CV-në në adresën hr@progeen.com (duke specifikuar në subjekt të email-it titullin e pozicionit) ose të aplikojnë nëpërmjet modulit të website https://www.progeen.com/karriera brenda datës 31.10.2025.

Të gjitha aplikimet do të trajtohen me konfidencialitet të plotë sipas ligjit Nr. 9887, Datë 10.3.2008 “Për Mbrojtjen e të Dhënave Personale”